Menu

A strada di i sensi


Una dimarchja pè prumove è valurizà l'agricultura è l'artisgianatu di a Corsica.



Prisentazione di a dimarchja

A Strada di i Sensi hè un dispusitivu di l'Uffiziu di u Sviluppu Agriculu è Rurale di a Corsica (ODARC). U scopu di stu prughjettu hè di mette in valore u patrimoniu agriculu, artisgianale è storicu di a Corsica. Si scrive in u quatru di l'azzione chì toccanu à u sviluppu di l'agricultura è di u mezu rurale. L'aderenti di a Strada di i Sensi sò agricultori, artisgiani, risturatori, usteriaghji, o pruduttori di u mondu rurale. Tutti st'attori di a sucetà isulana rispondenu à una cartula di qualità definita da l'ODARC, pudete lampà un ochju à sta cartula annantu à u situ Strada di i Sensi : http://www.gustidicorsica.com/co/21/cartula-di-qualita.html
 

Prumuzione di l'attori isulani

U prughjettu a Strada di i Sensi hè un arnese maiò di valurisazione è di prumuzione di u mezu rurale, di l'agricultura è di i so attori isulani. D'altronde parechji pannelli fendu a prumuzione di a Strada di i Sensi sò visibile annantu à l'isula sana. Prupone visite annantu à i sfruttamenti di l'attori rurali pè scopre u sapè fà lucale è i prudutti nustrali. 
 

I territorii è e categurie mirati

A Strada di i Sensi tocca à parechji territorii di a Corsica :
  • U Nebbiu - Capi corsu 
  • A Casinca - Castagniccia - Costa di verde 
  • Corsica Livantina
  • Dui Sevi Dui Sorru - Cruzini - Cinarca
  • A Corsica Suttana
  • U Centru di Corsica
  • Sartinesi Valincu Taravu
  • a Balagna
  • Gravona, Prunelli, paesi d'Aiacciu
Tutti sti territorii rigalanu sapè fà sfarenti è specifichi. Ogni pruduttore fendu parte di stu dispusitivu hà pè scopu di fà scopre prudutti chì entrenu in parechje categurie di a Strada di i Sensi, isse categurie sò :
  • I vini
  • I meli
  • L'alleva, a robba purcina è i casgi
  • In giru à l'alleva è a castagna
  • In giru à l'arburetu è l'ortu
  • L'artisgiani
  • E tole è e stanze d'uspite, usterie agricule è alloghji campagnoli
  • Cultura, natura, benestà è passatempu
  • È dinù...

Rédigé le Jeudi 15 Octobre 2020 à 15:15 | modifié le Jeudi 15 Octobre 2020




Dans la même rubrique :
< >
 


ODARC BASTIA
av Paul Giacobbi
Montesoro
20601 Bastia

Tel : 04 95 30 95 30
Fax : 04 95 33 86 05

ODARC AJACCIO
U Ricantu,
Route de Campo dell Oro
20090 Ajaccio

Tel : 04 95 29 26 90

Courriel : odarc@odarc.fr