Un apparechju pè valurizà u legnu di Corsica

A filiera furesta-legnu di a Corsica hà bisognu di mudernità è di capacità à risponde à e norme dumandate da l’architetti annantu à u classamentu mecanicu di i legni maiò di a custruzzione.
In u 2013, un studiu annantu à u classamentu mecanicu di u legnu di u Pinu Laricciu di Corsica hè statu purtatu da l’ODARC in cullaburazione cù u FCBA è stu studiu prov chè u Pinu Laricciu hè unu di i megliori rasginosi d’Auropa à u livellu di a resistenza mecanica.

Esistenu duie tenniche di classamentu mecanicu :

• Da metudu visuale
• Da apparechju

Tandu u classamentu visuale sottu stima assai a qualità intraseca di u legnu è dà aspessu un sottu classamentu da quellu. U classamentu da apparechju hà da permette di cumpensà sta sottu stimazione è valurizà u legnu veramente.
 

In u quatru di a so missione d’accumpagnamentu di l’intraprese di a filiera legnu, l’ODARC hà fatta a scelta d’avè un apparechju faciule à aduprà è à traspurtà. A MTG 960 di BROOKHUIS risponde à i criterii.
U MTG 960 hè un apparechju purtativu rispundendu à l’esighjenze di a norma EN14081 è a u CE.
I vantaghji di st’apparechju sò :

• Una simplicità d’aduprera
• Una gamma larga di classamentu da u C18 à u C40
• Un inseme « compact » et traspurtevule.
• Una calibrera pè u Pinu Laricciu

Quellu serà messu à dispusizione di manera gratisi di pettu à l’intraprese ma per via di un cuntrattu di prestu. À u livellu di l’ubligazione di u cuntrattu, a furmazione à l’utilisazione di l’apparechju serà riclamata.