Rinnovu di i frutteti antichi è creazione di frutetti tradiziunale - piglià u landanu per creà l'avvene

Stu dispusitivu d'aiutu hà pè scopu di rimette in cultura l'antiche ripate circundendu i paesi è una reapprupriazione di i frutteti antichi chì sò oramai abbandunati. S'è u prugettu hè validatu, permetteria di  :

• Rilancià a pruduzzione di frutta in issi spazii rurali è di creà un valore aghjustatu
• Stallà ghjovani agricultori o purtà un rivenutu in più à e persone sussetibile di stallà si
• Cuntribuisce à una resilienza alimentaria nova di i territorii
• Megliurà a prutezzione di pettu à i fochi
• Resiste à a speculazione
• Cresce a cuerenza è l'armunia di i paisaghji pensendu à u benistà di e pupulazione è  à u livellu turisticu
• Rimette à u core di u prugettu cullettivu, u sistema agru silvu pasturale
• Participà à u mantenimentu di u patrimoniu custruitu cù u rinnovu di e murette è di e ripate

I portaprugetti devenu esse cullettività o associi di pruprietarii, è devenu avè una maestria di u fundariu chì currisponde. U prugettu deve include, da u principiu, a messa à dispusizione di u fruttetu novu à un agricultore, à titulu princiaple o secondariu. I travaglii di rinnuvazione o di creazione eleghjevule à l'aiuti chì toccanu à a smachjera, a sfrundera, l'insetu, a tagliera, l'irrigazione, u rinnovu di e ripate è di e murette, l'accessu... St'investiscimenti, aiutati da u Cunsigliu di l'Esecutivu per via di l'ODARC, ponenu esse sustenuti da 60% sin'à 100% sicondu à i portaprugetti.
Pudemu dì chì ghjè una manera per e cumune di stallà agricultore "chjave in manu" o quasgi è dunque d'esse attrattive per ghjovane famiglie è di ritruvà un certu dinamisimu. L'ODARC hà previstu di dedicà una prima somma di 500 000 eurò à stu prugramma chì si vole ambiziosu è chì puderia, sicondu à Lionel Mortini, "mudificà in prufundezza l'avvicinera di a ruralità".
 

Issu prugettu hè purtatu da l'associu U Luri, ASL custituita di pruprietarii, esistendu dapou u 1996 presidatu da Roger Filippi. L'associu adunisce di più di 200 pruprietarii di terreni micca custruitu include in u pianu perimetrale di i pezzi di terreni sindicati annantu à u territoriu di a cumuna di Luri riprisentendu à pocu pressu 80 ettare.
E missione di l'associu sò definite da a realisazione di travaglii di megliurazione buscareccia è di pruttezzione di e sponde di u fiume U Luri. L'ubbiettu essendu d'avvià à u megiu u studiu di a realisazione di u pianu di gestione chì definisce un prugramma pluriannuale di travaglii mirendu à assicurà a privenzione di pettu à i risichi naturali, sanitarii, di pettu à a pulluzzione, u mantenimentu, u rinnovu, a sfruttera di e surghjente naturale, l'acconciu è l'intratene di i corsi d'acqua, i fiumi, e vie è rete diverse, a messa in valore di a pruprietà...
E terre chì landanu eranu sfruttate in Luri cunnoscia un abbandonu di più di 60 anni (cause : indivisione, desertificazione, sparizione di l'allevatori è di l'agricultori, fochi...). In u 1995, l'ASL di i pruprietarii U Luri, urganiseghja una gestione cullettiva e terre per luttà di pettu à issi mali. Tocca à i pruprietarii chì includenu i so pezzi di terreni in u circondu gestitu da u Cunsigliu sindicale cù u drittu di dà à Bail à u so nome. Prugrammeghja dapoi azzione di rinnovu di u circondu cumunu è crea e cundizione favurevule à un sviluppu agrusilvupasturale è sucioculturale di e terre di Luri.
 

L'uperazione avviata da l'ARS U LURI in u quatru di l'AAP rinnovu di i frutteti antichi hè caratterizata da u rinnovu d'un'anticu alivetu. E faccende di l'uperazione sò a smachjera di u sottu legnu annantu à un'area di 4,5 ettari caratterizati da una machja stesa d'un'altezza di più di 2 metri è d'una stesa chì và aldilà di 75 %. Tocca dinù à a u rinnovu di 135 arburi (tagliera, 100 pedi, selezzione d'essenza in cuncurenza, ecc...) U rinnovu hè realizata annantu à 3 spazii chì definiscenu 3 isulotti : A renula suprana, a renula suttana è a Mora Berignanu. Di pettu à u regulamentu d'aiutu, st'uperazione di rinnovu deve permette a messa à dispusizione di u fruttetu à un sfruttante agriculu. Oramai, una cunvenzione pluriannuale di 7 anni hà da stabilisce un cuntratu di cugliera à u prufittu d'un giovanu di a cumuna, Thomas Falconetti. Quellu, titulare di un BTSA hà da gode d'un aiutu per valurizà u so prugettu di stallazione in agricultura. Difatti, u costu di i travaglii hè stimatu à 44 338 eurò è l'aiutu previsiunale puderia esse di 100% d'issi costi.