L'inghjochi è i scopi
Sta chjam'à prughjetti serà aperta à partesi di u 01 di farraghju di u 2022. Hà per inghjocu di rinfurzà a prufessiunalisazione di l'attivi di u settore agriculu fendu cresce u so livellu di cunniscenza per via di a furmazione cuntinua accumpagnendu li in u so mestieru. Ma dinù d'assicurà u rinnovu di e so cunniscenze attempu à u livellu ecunomicu chè scientificu è tennicu, di sensibilizà li à e prublematiche di qualità di i prudutti, di a gestione durabile di e risorse è di i cambiamenti climitachi pè mantene un'agricultura rispettuosa di l'ambiente è adattata à a dumanda.
I publichi mirati è i benefiziarii
I publichi mirati ponu esse :
i benefiziarii di sta misura ponu esse :
- i sfruttanti agriculi
- i cunghjunti di sfruttanti travagliendu annantu à u sfruttamentu
- l'impresarii di travaglii agriculi
- l'agricultori chì si stallanu incù prughjetti agriculi
- i salariati d'impresa agricula
- l'urganisimi cullettori mandati da u Statu pè a gestione di fondi d'assicuranza furmazione (OPCA)
- L'urganisimi di furmazione prufessiunale cuntinua publiche è private
A furmazione
L'azzione di sta furmazione seranu prisentate cum'è sessione culletive purtendu annantu à tematiche specifiche è rispundendu à veri bisogni spartuti da un gruppu di 3 persone à u minima. Tandu, st'azzione ùn puderanu avè un tempu inferiore à 7 ore è un periudu superiore à 10 ghjorni. E sessione si passeranu annantu à u territoriu reghjunale.
E date limite di rimessa di i prughjetti pè sessione serà :
- Prima sessione : u 29 d'aprile di u 2022
- Seconda sessione : u 31 d'agostu di u 2022
- Terza sessione : u 16 di dicembre di u 2022
Da sapè ne di più, pudete lampà un ochju à u ducumentu :
Présentation
